ملک میں کورونا وائرس کی دوسری لہر نے خطرناک صورت حال پیدا کر دی ہے۔ کورونا کے اضافی معاملوں کے پیش نظر خوش آئند بات یہ ہے کہ گزشتہ کئی روز سے کورونا کیسز میں کمی آئی ہے جبکہ ہلاکتوں کی تعداد تشویش ناک ہے۔ 19 مئی کو 4529 افراد کی کورونا سے موت ہوئی تھی جبکہ آج بھی اموات کی تعداد چار ہزار سے تجاوز کر 4209 ہو گئی ہے۔
- " class="align-text-top noRightClick twitterSection" data="">
بھارت کی وزارت صحت کی جانب سے جاری کردہ اعداد و شمار کے مطابق گزشتہ 24 گھنٹے میں 259269 کورونا کے معاملے سامنے آئے ہیں جس سے کل تعداد 2,60,31,991 ہو گئی ہے جبکہ کورونا سے ہلاک ہونے والوں کی تعداد 4,209 ہے جس سے کل تعداد 2,91,331 ہو گئی ہے۔
ملک میں گزشتہ 24 گھنٹے میں ڈسچارج ہونے والوں کی تعداد 3,57,295 ہے جس سے کل تعداد 2,27,12,735 ہو گئی ہے جبکہ کل ایکٹیو کیسز 30,27,925 ہے۔ ملک میں ویکسینیشن کی کل تعداد 19,18,79,503 ہوگئی ہے۔
ملک میں چار دن بعد 24گھنٹوں میں انفیکشن سے ہونے والی اموات کے چار ہزار سے کم معاملے سامنے آئے ہیں۔ مغربی بنگال میں بھی کورونا کیسز بڑھ رہے ہیں۔
گزشتہ 24 گھنٹوں کے دوران مغربی بنگال میں سب سے زیادہ 162 اموات ہوئیں، جبکہ 19091 نئے معاملے سامنے آئے ہیں۔ ریاست میں اموات کی کل تعداد 13895 ہوگئی ہے اور کل معاملے 129958 ہو گئے ہیں۔
قومی دارالحکومت دہلی میں گذشتہ 10 دنوں میں کورونا کیسز میں 75 فیصد کی کمی ہوئی ہے جبکہ اموات میں صرف 27 فیصد کی کمی درج ہوئی ہے۔ جبکہ ممبئی میں گزشتہ 10 دنوں میں کورونا کے معاملے میں 25 فیصد کمی درج کی گئی ہے اور اموات میں 23 فیصد کی کمی درج ہوئی ہے۔
گزشتہ سات دنوں کے اعداد و شمار:
15 مئی ۔ نئے معاملے ۔ 326098، اموات ۔ 3890
16 مئی ۔ نئے معاملے۔ 311170، اموات ۔ 4077
17 مئی ۔ نئے معاملے ۔ 281386، اموات ۔ 4106
18 مئی ۔ نئے معاملے ۔ 263533، اموات ۔ 4329
19 مئی ۔ نئے معاملے ۔ 267334، اموات ۔ 4529
20 مئی ۔ نئے معاملے ۔ 276110، اموات ۔ 3874
21 مئی ۔ نئے معاملے ۔ 259591، اموات ۔ 4209
