ملک میں جان لیوا ور مہلک ترین کورونا وائرس کا قہر جاری ہے اور اس کے تیزی سے بدستور پھیلنے کے سبب تشویش میں اضافہ ہوگیا ہے۔ گزشتہ 24 گھنٹوں کے دوران اس موذی وبا کی وجہ سے 3،645 افراد کی موت واقع ہوگئی جس سے ملک میں ہلاک شدگان کی مجموعی تعداد 2 لاکھ 4 ہزار 832 ہوچکی ہے۔ اسی عرصے کے دوران 3.79 لاکھ سے زیادہ نئے کیسز رپورٹ ہوئے اور اسی مدت کے دوران 2.69 لاکھ سے زائد افراد اس وبا کو شکست دے کر شفایاب بھی ہوئے ہیں۔
دریں اثنا گزشتہ 24 گھنٹوں کے دوران 15 لاکھ 20 ہزار 648 افراد کو کورونا وائرس سے بچاؤ کے ویکسین دیئے جاچکے ہیں، ملک میں اب تک 21 لاکھ 93 ہزار 281 افراد کو کورونا سے بچاؤ کے ٹیکے دیئے گئے ہیں۔
جمعرات کی صبح مرکزی وزارت صحت کے جاری کردہ تازہ ترین اعداد و شمار کے مطابق گزشتہ 24 گھنٹوں کے دوران ملک میں 3،79،257 نئے کیسز کی رپورٹ کے ساتھ کورونا متاثرین کی مجموعی تعداد بڑھ کر ایک کروڑ 83 لاکھ 76 ہزار 524 ہوگئی ہے۔ اسی عرصے کے دوران 2،69،507 مریض بھی صحت یاب ہوئے جس سے یہ تعداد ایک کروڑ 50 لاکھ 86 ہزار 878 ہوچکی ہے۔
دوسری جانب ملک میں ایکٹیو کیسز کی تعداد میں مسلسل اضافے سے ان کی مجموعی تعداد 30 لاکھ 84 ہزار 814 ہوگئی ہے۔ جب کہ مزید 3،645 مریضوں کی موت کے ساتھ اس بیماری سے ہلاکتوں کی مجموعی تعداد 2،04،832 ہوچکی ہے۔
ملک میں کورونا وائرس سے شفایابی کی شرح 82.10 فیصد رہ گئی ہے جبکہ فعال کیسز کی شرح 16.79 فیصد اور اموات کی شرح گھٹ کر 1.11 فیصد رہ گئی ہے۔
یو این آئی
