کورونا سے متاثر پائے گئے بائیں ہاتھ کے تیز گیند باز ٹی نٹراجن کی جگہ پر سرینگر کے رہنے والے دائیں ہاتھ کے گیند باز عمران ملک کو سن رائز حیدر آباد کی ٹیم میں شامل کیا گیا ہے۔
اس حوالے سے آئی پی ایل کی ایک میڈیا ریلیز میں کہا گیا ہے کہ ریگولیشن (6. 1سی) فرنچائزی کو مختصر وقت کے لیے متبادل کھلاڑی کو سائن کرنے کی اجازت ہے جب تک ٹیم کے اصل کھلاڑی کو ٹیم میں دوبارہ شامل ہونے کی اجازت نہیں ملتی ہے۔
وہیں عمران ملک کے سن رائز حیدر آباد کی ٹیم میں شامل ہونے پر جموں و کشمیر کے لیفٹیننٹ گورنر منوج سنہا کے مشیر فاروق خان نے خود اور ایل جی منوج سنہا کی جانب سے بھی مبارک باد پیش کی ہے۔
انہوں نے امید ظاہر کی ہے کہ عمران ملک اس موقع کو بہتر استعمال کرکے ٹورنامنٹ کے دوران اپنی اچھی کارکردگی کا مظاہرہ کر کے ملک و قوم کا نام روشن کرے گا۔
مزید پڑھیں:۔ آئی پی ایل 2021: سن رائزرس حیدر آباد کا ایک کھلاڑی کورونا پازیٹیو
مشیر فاروق نے اپنے پیغام میں بے حد خوشی کا اظہار کرتے ہوئے کہا کہ سن رائزرس حیدر آباد میں عمران ملک کا انتخاب نہ صرف جموں و کشمیر بلکہ کھیل برادری، جموں و کشمیر کرکٹ ایسوسی ایشن، کوچ اور ان کے والدین کے لئے فخر کی بات ہے۔ عمر ملک اس وقت تک سن رائزرس حیدرآبار کا حصہ رہیں گے جب تک نٹراجن صحت یاب نہ ہوجائیں اور انہیں ٹیم میں شامل ہونے کی اجازت مل جائے۔
واضح رہے کہ متحدہ عرب امارات میں منعقد آئی اپی ایل کے ٹورنامنٹ میں کئی ٹیمیں حصہ لے رہی ہیں۔
