ضلع رامبن کے سب ڈویزن رامسو میں مقامی سول سوسائٹی کی جانب سے ایک میٹنگ منعقد کی گئی۔ میٹنگ کا مقصد ایک کمیٹی تشکیل دے کر بے روزگار نوجوانوں کو جموں سرینگر قومی شاہراہ کی تعمیر کے لیے رامسو میں قائم نئی تعمیراتی کمپنی میں روزگار دلانے کے سمیت انہیں لیبر قوانین کے مطابق تنخواہ دلانا ہے۔
میٹنگ میں رامسو پنچایت کے سرپنچ سمیت تمام عوامی نمائندوں اور مقامی سول سوسائٹی کے ممبران نے شرکت کی۔ اس موقع پر تشکیل دی گئی کمیٹی میں کلدیپ سنگھ کو صدر اور عبد الرحمان سوہل کو نائب صدر و عرفان میر کو جنرل سکریٹری بنایا گیا۔
میٹنگ میں اس بات کا اعادہ کیا گیا کے رامسو میں شاہراہ کی کشادگی کے دوران جن لوگوں کی دکانیں کاروبار اور مکانات تباہ ہوئے انہیں کام کرنے کا موقع دیا جانا مقصود ہے۔
مزید پڑھیں: سرینگرمیں 22 علاقے کنٹینمنٹ زون میں تبدیل
نئی تشکیل کردہ کمیٹی میں اس بات پر زور دیا گیا کہ مقامی لوگوں کو روزگار دلانے کے لیے تعمیراتی کمپنی کو پابند بنایا جائے۔ ایسا نہ ہونے کی صورت میں احتجاج کیا جائے گا۔
