بھرتپور: جہیز معاملے میں شوہر اور سسرگرفتار

بھرتپورضلع میں ایک شخص پر الزام ہے کہ اس نے اپنی بیوی کو میکہ سے جہیز نہ لانے کی وجہ سے طلاق دے دیا۔ مطلقہ خاتون کا کہنا ہے کہ طلاق دینے سے قبل اس کا خاوند اس کی پٹائی بھی کرتا تھا-

ریاست راجستھان کے ضلع بھرتپور میں ایک شخص پر الزام ہے کہ اس نے اپنی اہیلہ کو میکہ سے جہیزنہ لانے کی وجہ سے طلاق دے دیا۔ جس کے بعد خاتون نے اس معاملہ کے خلاف مقدمہ درج کرایا ہے۔

خاتون کی جانب سے مقدمہ درج کئے جانے کے بعد پولسی نے خاتون کے شوہر اور سسُر کو گرفتار کرلیا ہے۔ پولیس اس معاملہ کی تحقیقات کر رہی ہے۔

خاتون کا کہنا ہے تین طلاق دینے سے قبل اس کی قابل اعتراض تصاویرسوشل میڈیا پر وائرل کی گئیں۔

انہوں نے مزید کہا کہ پہلے تو موٹر سائیکل کا مطالبہ کیا گیا۔ اس کے بعد بڑی گاڑیوں کا مطالبہ کیا۔ اور جب دینے سے انکار کیا تو ان کے ساتھ مارپیٹ کی گئی اور طلاق دے دیا۔

جسکے بعد خاتون اس معاملے کو لے کر پولیس محکمہ کے اعلیٰ افسران اور مقامی رکن اسمبلی زاہد خان کے پاس پہنچی-

پولیس نے مقدمہ درج کر کے خاتون کے شوہر اور سسر کو گرفتار کرلیا۔