ریاست اترپردیش کے ضلع سہارنپور میں ایک آر ٹی آئی کے ذریعہ حاصل کی گئی معلومات میں یہ بات سامنے آئی ہے کہ حکومت ہند مغلوں کی جائیداد سے ہر سال کروڑوں روپے کا منافع کماتی ہے۔ یہ بھی بتایا گیا کہ مغلوں کی تعمیر کردہ عمارتوں سے حکومت کو سالانہ کروڑوں روپے کا ریونیو ملتا ہے جس سے ملکی معیشت مضبوط ہوتی ہے۔ اس وقت ملک میں 143 عمارتیں ہیں جنہیں دیکھنے کے لیے ٹکٹ لینا پڑتا ہے اور حکومت ہند کو اس سے کروڑوں روپے کا ریونیو حاصل ہوتا ہے۔ اگر مغلوں کی تعمیر کردہ عمارتوں سے حکومت کو کروڑوں روپے ملتے ہیں تو حکومت عوام سے جو ٹیکس لیتی ہے اس کے علاوہ وہ پیسہ کہاں خرچ ہوتا ہے، یہ ایک اہم سوال ہے۔
رام پور کے آر ٹی آئی کارکن دانش خان نے آرکیالوجیکل سروے آف انڈیا سے حق اطلاعات قانون کے تحت کچھ معلومات طلب کی تھیں جس سے ایک بڑا انکشاف ہوا ہے۔ جن مغلوں نے بھارت پر 800 سال حکومت کی، ان کی جائیدادوں اور عمارتوں سے حکومت ہند کو سالانہ کروڑوں روپے کی آمدنی ہوتی ہے۔ یہ بھی بتایا گیا کہ ملک میں کل 143 عمارتیں ہیں، جہاں ٹکٹ وصول کیے جاتے ہیں، جس کی وجہ سے حکومت کو کروڑوں روپے ملتے ہیں۔
ملک میں کل 143 عمارتیں ہیں، جہاں ٹکٹ جاری کیے جاتے ہیں، جس سے حکومت کو کروڑوں روپے کا ریونیو ملتا ہے۔ ان عمارتوں میں آگرہ کا تاج محل، آگرہ کا قلعہ اہم ہیں، اس فہرست کے علاوہ لکھنؤ، جھانسی، چنئی، بھوپال، جبل پور، بنگلور، رائے گڑھ اور کولکتہ کی بہت سی جائیدادیں ہیں جو مغلوں کی ملکیت کے طور پر نشان زد ہیں۔ یہی نہیں سال 2020-21 میں آگرہ کے تاج محل سے حکومت ہند کو کل 953410075 روپے کی آمدنی ہوئی، جب کہ 2020-21 میں آگرہ کے قلعے سے 13058070 روپے کی آمدنی ہوئی۔ اسی طرح 143 ایسی جائیدادیں ہیں، جن سے حکومت کو سالانہ کروڑوں روپے آتے ہیں۔
مزید پڑھیں:۔ تاج محل کے دیدار کی اجازت ملی
اسی دوران جب ہم نے اس معاملے کو لے کر آر ٹی آئی کارکن دانش خان سے بات کی تو انہوں نے بتایا کہ انہوں نے آرکیالوجیکل سروے آف انڈیا سے معلومات طلب کی تھی، جس میں مذکورہ معلومات ملی ہیں۔ دانش نے یہ بھی بتایا کہ انہوں نے آرکیالوجیکل سروے آف انڈیا سے پوچھا تھا کہ بھارت میں مغلوں کی جائیدادیں کتنی ہیں اور حکومت ہند کو اس سے سالانہ کتنی آمدنی ہوتی ہے۔ انہوں نے مزید بتایا کہ انہیں آرکیالوجیکل سروے آف انڈیا کی طرف سے بتایا گیا کہ آگرہ میں تاج محل، ممبئی اور حیدرآباد کی جائیدادوں کے علاوہ ملک میں کل 143 ایسی جائیدادیں ہیں، جنہیں دیکھنے کے ٹکٹ لگتے ہیں۔ ان سے حاصل ہونے والی کمائی ملکی معیشت کو مضبوط کرتی ہے۔
آر ٹی آئی کارکن دانش خان نے کہا کہ انہوں نے مطالبہ کیا ہے کہ مغلوں کی جائیدادوں سے سالانہ کمائی جانے والی رقم کو تعلیم اور صحت کے لیے استعمال کیا جائے۔ انہوں نے کہا کہ مغل مسلمانوں کے آباؤ اجداد تھے اور ہمارے آباؤ اجداد کی جائیداد سے حکومت کو کروڑوں روپے ملتے ہیں۔ اس کے بعد بھی ہم بھارت کے دوسرے درجے کے شہری ہیں۔ کوئی ہمیں خالصتانی اور کوئی پاکستانی کہتا ہے۔ یہاں تک کہ کچھ لوگ ہمیں دہشت گرد کہتے ہیں۔
