محنت اور روزگار کے مرکزی وزیر سنتوش کمار گنگوار نے مزدوروں کے صحت، سلامتی اور فلاح و بہبود کے لئے حکومت کو عزم ظاہر کرتے ہوئے کہا کہ اسکیموں اور پروگراموں کو ان کے مستحق افراد تک پہنچانے کی کوششیں کی جارہی ہیں۔
مسٹر گنگوار نے جمعہ کو یہاں کورونا وبا کے دوران مزدوروں اور ان کے کنبوں کے ارکان کی فلاحی اسکیموں اور پروگراموں کا کتابچہ جاری کرتے ہوئے کہا کہ حکومت کی کوشش، یہ یقینی بنانا ہے کہ سہولیات ان لوگوں تک پہنچیں جن کے لئے یہ تیار کی گئی ہیں۔
انہوں نے کہا کہ حکومت وبا کی صورتحال سے واقف ہے اور اس چیلنج کے وقت میں مشکلات سے بچانے کے ساتھ ساتھ محنت کشوں اور ان کنے کنبوں کے ارکان کی صحت اور زندگی کی حفاظت کے لئے لچکدار اور جوابدہ رخ اختیار کیا جارہا ہے۔
مرکزی وزیر نے کہا کہ حکومت نے مزدوروں کے لئے سماجی سلامتی میں توسیع کی ہے۔ ملازمین ریاستی بیمہ کارپوریشن (ای ایس آئی سی) اور ای پی ایف او اسکیموں کے تحت اب مزید نرمی کی گئی ہے۔ اس کا مقصد کورونا وبا کے انفیکشن اور اموات کے سبب اپنے کنبوں کے ارکان کی صحت اور زندگی کے بارے میں محنت کشوں کے خوف اور تشویشات کو دور کرنا ہے۔
یو این آئی۔ این
