گینگسٹر گٹھ جوڑ کے خلاف ایک تازہ کریک ڈاؤن میں قومی تحقیقاتی ایجنسی(این آئی اے) نے منگل کی صبح اتر پردیش، پنجاب، دہلی، راجستھان اور ہریانہ میں بڑے پیمانے پر چھاپے ماری کی۔ ان چار ریاستوں اور دہلی کے چھ سے زیادہ اضلاع میں بدمعاشوں سے منسلک رہائشی اور دیگر احاطوں پر چھاپے جاری ہیں، اس چھاپہ ماری کا مقصد بھارت اور بیرون ملک مقیم دہشت گردوں، بدمعاشوں اور منشیات کے اسمگلروں کے درمیان تعلقات کا پردہ فاش کرنا اور اسے تباہ کرنا ہے۔ NIA conducts multi-state raids
این آئی اے ذرائع کے مطابق یہ چھاپہ ماری لارنس بشنوئی، نیرج بوانا اور تلو تاجپوریا اور گولڈی برار کے گینگ کے اپسی رابطے پر مرکوز ہیں، جو پہلے ہی انسداد دہشت گردی ایجنسی کے ریڈار پر ہیں۔ این آئی اے کے ذریعہ کئی غنڈوں سے پوچھ گچھ کے بعد ان چھاپوں کی منصوبہ بندی کی گئی تھی۔ اکتوبر میں، تفتیشی ایجنسی نے چار ریاستوں اور دہلی میں 52 مقامات پر دن بھر کی تلاشی مہم کے بعد یہاں کے ایک وکیل اور ہریانہ کے ایک گینگسٹر کو گرفتار کیا۔
گرفتار ایڈووکیٹ کی شناخت آصف خان کے طور پر ہوئی ہے جو شمال مشرقی دہلی کے عثمان پور علاقے میں گوتم وہار کا رہنے والا ہے۔ ایجنسی کے جاسوسوں نے اس کی رہائش گاہ پر چھاپے کے دوران اس کے گھر سے گولہ بارود کے ساتھ چار ہتھیار اور کچھ پستول برآمد کرنے کے بعد اسے گرفتار کیا۔ این آئی اے نے پوچھ تاچھ کے دوران انکشاف کیا کہ آصف جیل میں بند بدمعاشوں کے رابطے میں تھا۔ این آئی اے نے سونی پت (ہریانہ) کے باسودی کے رہنے والے راجیش عرف راجو موٹا کو بھی گرفتار کیا ہے۔ این آئی اے کے مطابق موٹا کے خلاف کئی مجرمانہ معاملے درج ہیں۔
ایجنسی نے کہا کہ گینگسٹر گٹھ جوڑ جیل کے اندر اور باہر کام کرتا ہے اور گینگ کے ارکان مختلف قسم کی مجرمانہ اور غیر قانونی سرگرمیوں کو انجام دینے میں غنڈوں اور مجرموں کی فعال طور پر مدد کرتے ہیں۔ ستمبر میں، این آئی اے نے پنجاب، ہریانہ، اتر پردیش، راجستھان اور دہلی کے سمیت 52 مقامات پر تلاشی لی تھی۔ این آئی اے کی کارروائی اس سال 26 اگست کو دہلی پولیس کی جانب سے پہلے درج کیے گئے دو مقدمات کے دوبارہ اندراج کے بعد انسداد دہشت گردی ایجنسی نے اس گٹھ جوڑ کے خلاف تحقیقات شروع کرنے کے بعد کی ہے۔ ہندوستان اور بیرون ملک مقیم گینگ کے کچھ انتہائی مایوس لیڈروں اور ان کے ساتھیوں کی، جو اس طرح کی دہشت گرد اور مجرمانہ سرگرمیاں انجام دے رہے ہیں، کی شناخت کر کے مقدمہ درج کر لیا گیا۔
مزید پڑھیں:فادر اسٹین سوامی کے گھر پر این آئی اے کی چھاپہ ماری
