Building Collapsed In Kurla: کرلا میں چارمنزلہ عمارت منہدم، ایک شخص کی موت

کرلا میں عمارت منہدم ہونے سے ایک شخص کی موت ہوگئی ہے جبکہ ابھی بھی کئی افراد کے ملبے میں دبے ہونے کا امکان ہے، ریسکیوں کے دوران پانچ افراد کو نکال لیا گیا ہے، راحت و رسانی کا کام جاری ہے۔ Four storey building collapsed in Mumbai

ممبئی: ریاست مہاراشٹر دارالحکومت ممبئی کے کرلا علاقہ میں ایک چار منزلہ عمارت منہدم ہو گئی جس کے سبب ایک شخص کی موت ہوگئی ہے جبکہ تقریبا 25 افراد کے ملبے میں دبے ہونے کا خدشہ ہے۔ یہ حادثہ کرلا کے نائک نگر میں پیش آیا۔ فائر بریگیڈ کی ٹیم اور پولیس موقع پر پہنچ گئی ہیں۔ راحت اور بچاؤ آپریشن جاری ہے۔Building collapse in Naik Nagar

ممبئی کے کرلا کے نائک نگر میں ایک چار منزلہ عمارت گر گئی ہے۔ خبر رساں ایجنسی اے این آئی کے مطابق ملبے تلے 20 سے 25 افراد کے دبے ہونے کا خدشہ ہے۔ فائر بریگیڈ کی ٹیم اور پولیس موقع پر موجود ہے۔ ریسکیو آپریشن میں اب تک پانچ افراد کو نکالا جا چکا ہے۔

مہاراشٹر حکومت میں کابینہ کے وزیر آدتیہ ٹھاکرے نے بتایا کہ پانچ لوگوں کو ملبے سے نکال کر اسپتال لے جایا گیا ہے۔ چاروں عمارتوں کو بی ایم سی نے نوٹس دیا تھا۔ پھر بھی کچھ لوگ وہاں رہ رہے تھے۔ پہلی ترجیح تمام لوگوں کو ہٹانا ہے۔ عمارت سے لوگوں کو باہر نکال کر اس کو مسماری کر دیا جائے گا۔ انہوں نے لوگوں سے اپیل کی ہے کہ جب بھی بی ایم سی نوٹس دے، اسے جلد خالی کرایا جائے، تاکہ اس طرح کا واقعہ پیش نہ آئے۔