حکومت ہند نے آج اس بات کی تردید کی کہ وزیر خارجہ ایس جے شنکر نے افغانستان کے طالبان رہنماؤں سے ملاقات کی ہے۔
ذرائع نے سوشل میڈیا پر ایک پاکستانی صحافی کی جانب سے افغان طالبان کے رہنماؤں کی جے شنکر سے ملاقات کے دعوے کو خارج کرتے ہوئے کہا،’ہم نے سوشل میڈیا پر کچھ رپورٹس دیکھی ہیں جن میں دعویٰ کیا گیا ہے کہ وزیر خارجہ نے کچھ طالبان کے رہنماؤں سے ملاقات کی ہے۔ ایسی رپورٹس پوری طرح سے جھوٹ، بے بنیاد اور شرارت آمیز ہیں‘۔
یہ بھی پڑھیں: جئے شنکر کی بلنکن سے ملاقات، مختلف امور پربات چیت ہوئی
پاکستانی صحافی نے دعویٰ کیا تھا کہ افغان طالبان کے شوریٰ کے ذرائع نے اس بات کی تصدیق کی ہے کہ طالبان کے رہنما ملا برادر، خیراللہ، شیخ دلاور کی وزیر خارجہ سے ملاقات ہوئی ہے۔ طالبان کے رہنماؤں نے بھارت کو یقین دہانی کروائی ہے کہ مستقبل میں ان کے بھارت سے رشتے پاکستان کی مرضی سے نہیں برتے جائیں گے۔
(یو این آئی)
