Flight Passenger Got Threat ہوائی مسافر کو خالصتانی حامیوں کا دھمکی آمیز کال موصول ہوا

ہوائی جہاز کے ایک مسافر کے فون پر ایک دھمکی آمیز آڈیو کال آیا ہے، جس میں خالصتانی حامی دہلی کے پرگتی میدان پر قبضہ کرنے کی بات کر رہے ہیں۔ اس کے ساتھ یہ بھی کہا گیا کہ بھارت کے جھنڈے کو نیچے اتار کر وہاں خالصتانی جھنڈا لگایا جائے گا۔ اس حوالے سے خصوصی سیل کو الرٹ کر دیا گیا ہے۔Flight passenger got threat call from khalistan supporter

نئی دہلی: دارالحکومت دہلی کے اندرا گاندھی بین الاقوامی ہوائی اڈے پر ایک ہوائی مسافر کو فون پر دھمکی آمیز آڈیو کال موصول ہونے کے بعد سنسنی پھیل گئی۔ ریکارڈ شدہ کال میں خالصتانی حامی دہلی کے پرگتی میدان پر قبضہ کرنے کی بات کر رہا ہے۔ کال میں کہا جا رہا ہے کہ بھارت کے قومی پرچم کو نیچے اتار کر وہاں خالصتان کے جھنڈے لگائے جائیں گے۔ مسافر نے ہوائی اڈے کی پولیس کو بتایا کہ خالصتانی حامی وزیر اعظم نریندر مودی اور وزیر داخلہ امیت شاہ کے خلاف بھی قابل اعتراض بیانات دے رہے ہیں۔

انہوں نے امرت پال کا بھی ذکر کیا، جس کے بعد دہلی پولیس مستعد ہوگئی ہے۔ اس معاملے میں اندرا گاندھی انٹرنیشنل ایئرپورٹ پولیس اسٹیشن میں آئی پی سی کی دفعہ 153/153A اور 505 کے تحت ایف آئی آر درج کی گئی ہے۔ اس کی تصدیق کرتے ہوئے ڈی سی پی ایئرپورٹ نے کہا کہ ہوائی مسافر کو پہلے سے ریکارڈ شدہ آڈیو کال موصول ہوئی ہے۔ بتایا جا رہا ہے کہ اس معاملے کی تحقیقات اسپیشل سیل کو سونپ دی گئی ہے۔

بتادیں کہ پنجاب کے اجنالہ کیس میں مطلوب خالصتانی حامی امرت پال سنگھ ان دنوں سرخیوں میں ہیں۔ وہ 18 مارچ سے مفرور ہے۔ اس کی آخری لوکیشن ہریانہ میں پائی گئی۔ اب یہ قیاس کیا جا رہا ہے کہ امرت پال دہلی میں چھپا ہو سکتا ہے۔ پولیس کی کئی ٹیمیں اس کی تلاش میں چھاپے مار رہی ہیں۔ امرت پال سنگھ کے خلاف پنجاب کے ایک تھانے میں ایک شخص کی شکایت پر مقدمہ درج کیا گیا تھا۔ شکایت میں الزام لگایا گیا ہے کہ اسے مارا پیٹا گیا۔ پولیس نے اس معاملے میں طوفان نامی شخص کو گرفتار کیا تھا۔ بعد میں امرت پال نے طوفان کے خلاف مقدمہ واپس لینے کا انتباہ جاری کیا اور حامیوں کے ساتھ ہنگامہ کھڑا کردیا۔