بلندشہر: ریاست اترپردیش کے ضلع بلندشہر میں منگل کو ایک دردناک سڑک حادثہ پیش آیا۔ یہاں اسکارپیو سے ایک خاندان کیدارناتھ-بدریناتھ کے درشن کے لیے جارہا تھا۔ یہ اسکارپیو گلاوتھی این ایچ 235 پر خوشحال پور کے قریب سڑک کے کنارے کھڑے ٹرک سے ٹکرا گئی۔ اس حادثے میں ایک ہی خاندان کے پانچ افراد کی موت ہو گئی۔ ہلاک ہونے والوں میں دو بچے، ایک خاتون اور دو مرد شامل ہیں۔ اس حادثہ میں 5 دیگر افراد زخمی ہوگئے۔ ان زخمیوں میں سے دو کی حالت تشویشناک بتائی جاتی ہے۔ ڈی ایم اور ایس ایس پی بھی موقع پر پہنچ گئے۔ Five people killed in road accident in Bulandshahr
- مزید پڑھیں:۔ Karnataka Road Accident: کرناٹک کے دھارواڑ میں کروزر گاڑی کے درخت سے ٹکرانے سے نو افراد ہلاک
وہیں بلند شہر میں ایک دوسرا سڑک حادثہ بھی پیش آیا ہے، جس میں ایک شخص کی موت ہوگئی جب کہ 14 دیگر زخمی ہوگئے ہیں۔ پیر کی شام فرخ آباد ضلع کے قائم گنج تھانہ علاقے کے گاؤں دھمدھیرا میں باراتیوں سے بھری بس الٹنے سے دولہے کے کزن کی موت ہو گئی۔ اس حادثے میں 14 دیگر زخمی ہو گئے۔ زخمیوں کو کمیونٹی ہیلتھ سینٹر میں داخل کرایا گیا۔ حالت سنگین ہونے پر زخمیوں کو اسپتال ریفر کر دیا گیا۔ جہاں زخمیوں کا علاج چل رہا ہے۔ بتایا گیا ہے کہ مودرواجا تھانے کے چورسیا ماجھولا گاؤں کے رہنے والے برج بھوشن سنگھ کے بیٹے انوج کی بارات ایٹہ کے جیتھرا تھانے کے گاؤں دوبری جا رہی تھی۔ اس حادثے میں انوج کے چچا ابھیلاش کے بیٹے اتر سنگھ (30) کی موت ہو گئی۔
