خراب موسم کے سبب دہلی آرہی پروازوں کا رخ موڑا گیا

خراب موسم کے سبب دہلی آنے والی پانچ پروازوں کو دوسرے شہروں میں اتارا گیا۔ سری نگر سے دہلی آرہی اسپائس جیٹ کی فلائٹ اور اندور سے دہلی آرہی انڈیگو کے ایک طیارے کو جے پور بھیجا گیا۔

دہلی اور آس پاس کے علاقوں میں آج شام اچانک موسم خراب ہونے کی وجہ سے پانچ پروازوں کو دوسرے شہر لکھنٔو اور جے پور کی طرف رخ کرنا پڑا۔

دہلی ائیرپورٹ کی آپریٹنگ کمپنی دہلی انٹرنیشنل ایئرپورٹ لمیٹڈ (ڈی آئی اے ایل) کے ایک افسر نے بتایا کہ سری نگر سے دہلی آرہی اسپائس جیٹ کی فلیٹ اور اندور سے دہلی آرہ انڈیگو کی ایک فلائٹ کو جے پور بھیجا گیا ہے۔

ایئر انڈیا کی کٹھمنڈو سے دہلی آرہی پرواز اے آئی 216 کو لکھنٔو بھیجا گیا۔ انہوں نے کہا کہ ابھی مزید تفصیلات کا انتظار ہے۔

پرائیویٹ طیارہ کمپنی وستارا نے اپنے ٹوئٹر ہینڈل پر بتایا کہ ممبئی سے دہلی آرہی اس کی دو پروازوں کو لکھنٔو کی طرف موڑ دیا گیا ہے۔

یو این آئی