منگل اور بدھوار کی درمیانی رات کو اس وقت پورے علاقے میں سنسنی پھیل گئی جب ایک رہائشی ٹین شیڈ آتشزدگی کی نذر ہوگیا - آتشزدگی کی اس واردات میں شیڈ میں رہائش پذیر کنبے کا تمام سازو سامان آگ کی نظر ہوگیا ہے اور مذکورہ کنبہ بے گھر ہوگیا۔
بانڈی پورہ کے شاہ گُنڈ علاقہ میں رہائشی شیڈ آگ لگنے سے خاکستر
شاہ گنڈ سوناواری علاقے کے رہائشی اعجاز احمد ڈار ولد غلام محی الدین ڈار اس ٹین شیڈ میں رہائش پذیر تھے- وہ پہلے ہی غربت اور مفلسی کی زندگی گزار رہے تھے تاہم آگ کی اس واردات نے انہیں مزید مشکلات میں مبتلا کردیا۔
انہوں نے ضلع انتظامیہ سے اپیل کی ہے کہ ان کی مالی امداد کی جائے اور انہیں اس حادثہ سے باہر نکلنے میں امداد دی جائے تا کہ وہ مزید مشکلات سے بچ سکیں۔
