گزشتہ روز الٰہ آباد ہائی کورٹ پر کیسز کے مبینہ بوجھ کے سلسلہ میں مرکزی وزیر قانون ایس پی سنگھ بھگیل کا ایک بیان روشنی میں آیا تھا جس میں انہوں نے مغربی اتر پردیش میں ہائی کورٹ کی بینچ کا جلد ہی قیام عمل میں لانے کی بات کہی تھی، الٰہ آباد ہائی کورٹ کے وکلاء نے اس بیان کی مخالفت کی تھی۔ جس کے بعد میرٹھ میں ہائی کورٹ بینچ سنگھرس سمیتی کی جانب سے ایک طرف جہاں مرکزی وزیر قانون کے بیان کا خیرمقدم کیا گیا وہیں دوسری جانب الٰہ آباد ہائی کورٹ کے وکلاء کے خلاف میرٹھ میں واقع کورٹ کے دروازے پر راستہ جام کرتے ہوئے احتجاجی مظاہرہ کیا گیا۔
دراصل مغربی اترپردیش میں ہائی کورٹ بینچ کی مانگ کو لیکر ہائی کورٹ بینچ سنگھرس سمیتی طویل عرصے سے بینچ کی مانگ کرتی آرہی تھی۔ پچھلے دنوں مرکزی وزیر قانون ایس پی سنگھ بھگیل کی جانب سے ہائی کورٹ کے متعلق بیان دیے جانے سے جہاں آلہ باد کے وکلاء کی جماعت ان کے بیان کی مخالفت کررہی ہے وہیں میرٹھ میں ان کے بیان کا خیرمقدم کیا جارہا ہے.
مزید پڑھیں: مظفر نگر ڈسٹرکٹ بار ایسوسی ایشن کے وکلا کا مظاہرہ
اس ضمن میں میرٹھ بار ایسوسی ایشن کے صدر کا کہنا ہے کہ ہائی کورٹ بینچ کی مانگ کی لڑائی لمبے عرصے چلی آرہی ہے اور اب جیسے ہی مرکزی وزیر قانون کا بیان سامنے آیا ہے اس سے میرٹھ ہی نہیں بلکہ مغربی اتر پردیش کے وکلاء میں خوشی دیکھی جارہی ہے، لیکن الٰہ باد میں ہائی کورٹ کے وکلاء کے مخالفانہ ردعمل سے میرٹھ کے وکلاء میں ناراضگی ہے.
واضح رہے کہ مغربی اتر پردیش میں ہائی کورٹ بینچ کی ضرورت کو کافی وقت سے محسوس کیا جارہا تھا ایسے میں مرکزی وزیر قانون کا تسلی دینے والا بیان کہیں چناوی بیان نہ ثابت ہو، اس کا بھی اندیشہ ظاہر کیا جارہا ہے.
