آل انڈیا ترنمول کانگریس (اے آئی ٹی ایم سی) بھاری اکثریت کے ساتھ کامیابی کے جھنڈے گاڑ چکی ہے۔ ٹولی گنج نشست پر ترنمول کے امیدوار اروپ وشواس نے کامیابی حاصل کی۔ انہوں نے بی جے پی کے امیدوار اور مرکزی وزیر بابل سپریو کو 50 ہزار سے زیادہ ووٹوں سے شکست دی۔ بنگال میں اب تک آئے نتائج کے مطابق ٹی ایم سی کو 213 سیٹوں پر جیت مل چکی ہے جبکہ اس کی حریف جماعت بی جے پی کے حصے میں 76 سیٹیں آئی ہیں۔
کیرالہ میں سبھی 140 نشستوں کے نتائج آ چکے ہیں۔ ایل ڈی ایف کو 99 سیٹیں ملی ہیں۔ وہیں یو ڈی ایف کو 41 سیٹیں۔ بائیں بازو کی جماعتیں اقتدار میں واپسی کر گئی ہیں۔
تمل ناڈو کی 234 نشستوں کے نتیجے آچکے ہیں۔ اے آئی اے ڈی ایم کے نے 76 نشستوں پر کامیابی حاصل کی ہے جبکہ ڈی ایم کے نے 158 نشستیں حاصل کی ہیں۔
پڈوچیری کی بھی 30 نشستوں کے نتائج آ چکے ہیں۔ آل انڈیا این آر کانگریس نے 16 نشستوں پر کامیابی حاصل کی ہے۔ وہیں آزاد امیدواروں نے چھ نشستوں پر کامیابی حاصل کی ہے۔
آسام کی بھی سبھی 126 نشستوں کے نتائج کا اعلان کیا جا چکا ہے۔ بی جے پی نے 75 نشستوں پر کامیابی حاصل کی ہے۔ ریاست میں کانگریس کے 50 امیدوار جیتنے میں کامیاب ہوئے ہیں۔
وہیں بنرجی نے آج شام کولکتہ میں پریس کانفرنس میں بتایا کہ الیکشن کمیشن نے ان کی پارٹی کے ساتھ تعاون نہیں کیا اور وہ ان کے خلاف سپریم کورٹ میں جائیں گی۔
انہوں نے کہا کہ یہ فتح بنگال کی فتح ہے۔ انہوں نے نندی گرام سیٹ سے اپنی شکست قبول کرتے ہوئے کہا کہ نندی گرام کی فکر نہ کریں، میں نے نندی گرام کے لئے تحریک چلائی تھی اور اب وہاں جدوجہد کی ہے۔ نندی گرام کے لوگوں نے جو مینڈیٹ دیا وہ قبول کرتی ہوں۔ ترنمول کانگریس نے 221 سے زیادہ نشستوں پر کامیابی حاصل کی ہے۔ بی جے پی بڑی شکست کا سامنا کرنا پڑا ہے۔
انہوں نے کہا کہ ان کی حکومت کا حلف برداری پروگرام ایک سادہ تقریب میں ہوگا۔
یہ بھی پڑھیں: وزیر اعظم مودی نے ممتا بنرجی کو جیت کی مبارک باد پیش کی
