دہلی پولیس کے اسپیشل سیل نے ایک پاکستانی عسکریت پسند کو دہلی سے گرفتار کیا ہے۔ اس کی شناخت محمد اشرف عرف علی کے طور پر ہوئی ہے۔ وہ آئی ایس آئی کے کہنے پر کام کررہا تھا۔ وہیں ملزم کے پاس سے جدید ترین ہتھیار اور دستی بم بھی برآمد ہوئے ہیں۔ فی الحال اسپیشل سیل کی ٹیم اس سے پوری سازش کے حوالے سے پوچھ گچھ کررہی ہے۔
معلومات کے مطابق دہلی میں عسکری حملے کے حوالے سے ہائی الرٹ ہے۔ کچھ دن پہلے، دہلی پولیس کو ایسی معلومات ملی تھیں کہ دارالحکومت میں عسکری حملہ ہوسکتا ہے۔ اس کے حوالے سے دہلی پولیس کمشنر نے تمام ضلعی پولیس اہلکاروں، خصوصی سیل اور کرائم برانچ کو الرٹ رہنے کی ہدایت دی تھی۔
پولیس ٹیم مسلسل اس پر کام کررہی تھی اور انہوں نے ایک خفیہ اطلاع پر مشتبہ عسکریت پسند کو پکڑلیا ہے۔ اس کے پاس سے بھاری مقدار میں اسلحہ بھی برآمد ہوا ہے۔ پولیس کو پتہ چلا ہے کہ وہ نیپال کے راستے دہلی آیا تھا۔ پولیس کو شبہ ہے کہ وہ تہواروں کے سیزن میں کسی بڑے حملے کی منصوبہ بندی کررہا تھا۔ فی الحال پوری سازش اور اس سے وابستہ لوگوں کے بارے میں پوچھ گچھ جاری ہے۔
