یہ دانش کا جنون ہی تھا کہ انہیں پولیتزر ایوارڈ سے نوازا گیا، والد اختر صدیقی کا بیان

دانش صدیقی نے جامعہ ملیہ اسلامیہ یونیورسٹی کے ایم سی آر سی ڈپارٹمنٹ سے صحافت کی تعلیم حاصل کی تھی۔ ان کے والد اختر صدیقی جامعہ ملیہ اسلامیہ یونیورسٹی کے شعبہ تعلیم میں پروفیسر ہیں اور این سی ٹی ای کے سابق ڈین بھی رہ چکے ہیں۔

پلتزر ایوارڈ سے سرفراز فوٹو جرنلسٹ دانش صدیقی افغانستان کے کاندھار میں کوریج کے دوران ایک جھڑپ میں ہلاک ہو گئے ہیں۔ وہ نیوز ایجنسی روئٹرز کے لیے افغانستان میں ایک اسائنمینٹ پر گئے ہوئے تھے۔

ان کے انتقال کے بعد دانش صدیقی کے والد اختر صدیقی نے میڈیا کے سامنے اپنے بیان میں کہا کہ ان کی دو روز قبل دانش سے بات ہوئی تھی اور یہ ان کا جنون ہی تھا کہ ان کے کام کو سراہا گیا اور انہیں پولیتزر ایوارڈ سے نوازا گیا۔

دانش صدیقی کے والد نے منسٹری آف فارن افیئرس سے اپیل کی ہے کہ ان کے بیٹے کے لاش کو کاندھار سے دہلی جلد از جلد لانے کی کوشش کی جائے تاکہ وہ اپنے آبائی قبرستان میں ان کی تدفین کر سکیں۔

دانش صدیقی نے جامعہ ملیہ اسلامیہ یونیورسٹی کے ایم سی آر سی ڈپارٹمنٹ سے صحافت کی تعلیم حاصل کی تھی۔ ان کے والد اختر صدیقی جامعہ ملیہ اسلامیہ یونیورسٹی کے شعبہ تعلیم میں پروفیسر ہیں اور این سی ٹی ای کے سابق ڈین بھی رہ چکے ہیں۔

دانش صدیقی کی پیدائش اوکھلہ کے غفار منزل میں ہوئی تھی جبکہ ان کے والد پرانی دہلی کے فراش خانہ میں پلے بڑھے تھے، لیکن سنہ 1975 میں اختر صدیقی نے پرانی دہلی کو خیرباد کہہ کر اوکھلا کے غفار منزل کو اپنا آشیانہ بنایا۔