میرٹھ: پسماندہ آبادی والے علاقے میں ٹیکہ کاری مہم کی کوششیں رنگ لا رہی ہیں

کورونا وبا کے خطرے سے نمٹنے کے لیے جہاں سرکاری سطح پر ویکسینیشن مہم کو تیز کرنے کے ساتھ لوگوں کو بیدار کرنے کی کوشش کی گئی ہے۔ وہیں ٹیکہ کاری مہم کو کامیاب بنانے میں میڈیکل اسٹاف اور سماجی اور ملّی خدمت گاروں کے کوششیں بھی رنگ لا رہی ہے۔ میرٹھ کے لکھی پورا اور احمد نگر جیسے پچھڑے علاقوں میں ٹیکہ کاری مہم اسی کی ایک مثال پیش کرتی نظر آ رہی ہے۔

ویکسینیشن کے شروعاتی مرحلے میں میرٹھ کے لکھی پورا لساڑی روڈ اور احمد نگر جیسے علاقوں میں ویکسین لگوانے والوں کی تعداد کافی کم رہی تھی لیکن سماجی اور ملی تنظیموں کی اپیل کے بعد گزشتہ کچھ ماہ میں ان علاقوں میں ویکسین لگوانے والوں کی تعداد میں تیزی سے اضافہ ہوا ہے۔

اب حالات یہ ہے کہ مقامی ہیلتھ پوسٹ پر آنے والوں کی تعداد کو دیکھتے ہوئے اضافی ڈوز حاصل کرنے کی ضرورت پیش آ رہی ہے۔

ٹیکہ کاری مہم

وہیں میڈیکل اسٹاف کی سوجھ بوجھ سے ویکسین کو برباد ہونے سے بچانے کے ساتھ ہی اس کے قطرہ کی اہمیت کو سمجھتے ہوئے اضافی ڈوز تیار کرکے حاصل ہوئے کوٹے سے زیادہ ویکسین لگائی جا رہی ہے۔

ٹیکہ کاری مہم کی کوششیں رنگ لا رہی ہیں

میرٹھ کے پشماندہ آبادی والے علاقوں میں جس طرح سے ویکسینیشن مہم کو کامیاب بنانے اور ویکسین کے اضافی ڈوز کا استعمال کیا جا رہا ہے اس کو دیکھتے ہوئے یہی کہا جا سکتا ہے کہ کورونا کی تیسری لہر سے عوام کی حفاظت کرنے میں یہ کوشش ضرور کارگر ثابت ہو گی۔