بنگلور: کرناٹک میں بی جے پی لیڈران کی جانب سے حکومت کو خطوط لکھ کر مطالبہ کیا جارہا ہے کہ او بی سی کیٹگری کے تحت مسلمانوں کو دئے گئے چار فیصد ریزرویشن میں کٹوتی کی جائے اور اسے دیگر پسماندہ طبقات کو دیا جائے۔ اس معاملے پر کانگریس کے رہنما نصیر احمد نے کہا کہ کرناٹک میں بومائی حکومت کے بعد منسٹری فار مائنارٹی ویلفیئر کے پورٹفولیو کو الاٹ نہ کیا جانا یہ بتاتا ہے کہ آر ایس ایس و بی جے پی مسلمانوں کو 'سیکنڈ گریڈ سیٹیزین' بنانے کے ایجنڈے پر عمل پیرا ہے۔ وہیں انہوں نے ایس سی ایس ٹی طبقات کے لئے ریزرویشن میں اضافہ کرنے کے معاملے پر حکومت کی ستائش کی۔ Naseer Ahmed On Muslims Reservation
کرناٹک لیجسلیٹیو کونسل کے رکن نصیر احمد نے کہا ریاست میں مسلمانوں کو ان کی آبادی کے تناسب سے ریزرویشن کی مانگ کے لئے وہ جلد ہی وزیر اعلیٰ اور بیکورڈ کمیشن کے چیئرمین سے ملاقات کر انہیں یاد داشت پیش کریں گے۔ نسیر احمد نے جسٹس سچر کمیشن کی رپورٹ کا حوالہ دیتے ہوئے کہا کہ مسلمانوں کے حالات نہ صرف تعلیمی بلکہ معاشی و سیاسی اعتبار سے بد سے بد تر ہیں، لہذا وہ حکومت کے سامنے مسلمانوں کے انصاف کی مانگ رکھیں گے۔ بتا دیں کہ سنہ 2011 کے سینسز کے مطابق کرناٹک میں مسلمانوں کی آبادی 12.92 فیصد ہے اور فی الحال مسلمانوں کا ریزرویشن صرف 4 فیصد ہے جب کہ آبادی یے تناسب سے 8 فیصد ہونا چاہیے تھا۔
یہ بھی پڑھیں: Protest for Muslims Reservation in Mumbai: 'مسلمانوں کو ریزرویشن سے محروم کیا جا رہا'
