منی پور: کانگریس کے آٹھ اراکین اسمبلی بی جے پی میں شامل ہوسکتے ہیں

منی پور اسمبلی انتخابات کو لے کر ریاست میں ہلچل شروع ہوگئی ہے، آج کانگریس کے آٹھ اراکین اسمبلی کے بھارتی جنتا پارٹی میں شامل ہونے کے امکانات ہیں۔

منی پور اسمبلی انتخابات سے قبل از وقت کانگریس کے ریاستی صدر گوونداس کونتھوجام نے اس عہدے سے استعفیٰ دے دیا تھا۔ دسمبر 2020 میں کونتھوجام کو منی پور یونٹ کے چیف کے طور پر مقرر کیا گیا تھا۔

ذرائع کے مطابق آج کم از کم کانگریس کے آٹھ رکن اسمبلی کے بھارتی جنتا پارٹی (بی جے پی) میں شامل ہونے کے امکانات ہیں۔ ریاست میں اسمبلی انتخابات اگلے سال ہونے والے ہیں، جہاں بی جے پی کے وزیر اعلیٰ بیرین سنگھ اقتدار برقرار رکھنے کے لئے لڑیں گے۔