ریاست اترپردیش کے ضلع سہارنپور کے گیتانجلی وہار میں واقع مہاکالی مندر کے سامنے ٹیلنٹ انڈیا فارماسیوٹیکل اور آیوشمان کلینک کی جانب سے شوگر اور بلڈ پریشر کی جانچ کے لیے ایک مفت کیمپ کا انعقاد کیا گیا، جس میں سینکڑوں لوگوں کا مفت معائنہ کیا گیا اور انہیں متعلقہ ادویات بھی تقسیم کی گئیں۔
مزید پڑھیں:۔ کانپور: مفت طبی کیمپ کا انعقاد
اس بارے میں جانکاری دیتے ہوئے ڈاکٹر سنیوگ گورڈ نے بتایا کہ اس قسم کا مفت میڈیکل کیمپ اس لیے منعقد کیا گیا ہے کہ کچھ بیماریاں ایسی ہوتی ہیں جن کے بارے میں لوگوں کو علم نہیں ہوتا اور وہ کسی اور بیماری کا علاج کرواتے ہیں جس کی وجہ سے ان کی صحت بہتر نہیں ہوتی ہے اور انہیں بھاری نقصان اٹھانا پڑتا ہے، بلڈ شوگر اور بلڈ پریشر جیسی بیماریوں کا صحیح وقت پر علاج کرانے سے انسان کی جان بچ جاتی ہے، اس لیے انہوں نے اس نوعیت کے تحقیقاتی کیمپ کا انعقاد کیا اور اسے مزید منعقد کرانے کی بات کہی۔
