ادارہ خانقاہ شبیریہ ٹرسٹ احمدآباد کے صدر ابرار احمد شبیری کامل نے کہا کہ آج احمد آباد گجرات ساہتیہ اکادمی کے تعاون سے " گجرات میں عربی، فارسی اور اردو تصانیف اور مخطوطات" پر ایک سیمینار کا انعقاد کیا گیا، جس کا مقصد اردو ادب اردو تصانیف اور مخطوطات کو زندہ رکھنے کا ہے کیونکہ آہستہ آہستہ لوگ اردو سے دور جا رہے ہیں اور اپنے ادب کو بھولتے جا رہے ہیں۔ اس قیمتی سرمایہ کو اجاگر کرنے کے لیے آج اس عنوان پر سیمینار رکھا گیا، جس میں ادبا و اسکالرز نے مختلف عنوانات پر تحقیقی مقالات پڑھے۔
وہیں اردو پروفیسر نثار احمد انصاری نے کہا کہ مخطوطات کا مطلب ہاتھ سے لکھی ہوئی قدیم کتابیں۔ جو خطی کتابیں نایاب ہیں، جسے مینواسکرپٹ کہا جاتا ہے۔ یہ کتابیں آج تک شائع نہیں ہوئیں اس لیے ان کا دائرہ بہت محدود ہے۔ لوگ لائبریری میں جاکر دیکھ اور پڑھ سکتے ہیں۔
یہ بھی پڑھیں:
جمعیت علمائے ہند گجرات نے تری پورہ فساد کی مذمت کی
احمدآباد کے پیر محمد شاہ لائیبریری اینڈ ریسرچ سینٹر میں بیش قیمتی مخطوطات موجود ہیں۔ انہیں زندہ و جاوید رکھنا ہماری ذمہ داری ہے۔ ایسے گجرات کے تمام مخصوص مخطوطات و تصانیف کے تعلق سے اس سیمینار میں مقالات پڑھے گیے۔
