نئی دہلی: کانگریس جنرل سکریٹری پرینکا گاندھی وڈرا نے کشمیری پنڈتوں کے اخراج پر مودی حکومت پر حملہ کرتے ہوئے کہا کہ وہ صرف وعدے کر رہی ہے اور زمین پر ان کے تحفظ کے لئے کوئی قدم نہیں اٹھا رہی ہے۔Priyanka Gandhi Slams Centre
پرینکا نے کہا کہ حکومت صرف خالی وعدے کر رہی ہے اور پنڈتوں کی حفاظت کے بارے میں لاپروا ہے۔ دیوالی کے تہوار پر کئی پنڈت نقل مکانی کر چکے ہیں اور اب اپنی حفاظت کے لیے دھرنا دے رہے ہیں لیکن مودی حکومت ان کے مسئلے پر توجہ نہیں دے رہی ہے اور ان کی لاپروائی قابل مذمت ہے۔
انہوں نے کہا کہ کشمیری پنڈتوں کی سلامتی کے معاملے پر مرکزی حکومت کی لاپروائی قابل مذمت ہے۔ کئی کشمیری پنڈت خاندانوں کو دیوالی کے دن اپنا گھر چھوڑنا پڑا۔
انہوں نے کہاکہ 'ہماری بہنیں اور بھائی سیکورٹی کا مطالبہ کرتے ہوئے کئی دنوں سے احتجاج کر رہے ہیں، لیکن مرکزی حکومت کے پاس صرف دعوے اور تقریریں ہیں، کارروائی نہیں۔'
یواین آئی
