سابق کانگریسی صدر راہل گاندھی نے کسانوں کی تحریک کے سلسلے میں حکومت پر سخت حملہ کرتے ہوئے کسی کا نام لئے بغیر آج کہا کہ حکومت کے دو اعلی رہنما صرف دو صنعت کاروں کو فائدہ پہنچانے کے لئے خاندانی منصوبہ بندی کے مشہور نعرے 'ہم دو ہمارے دو ' کے اصول پر کام کر رہے ہیں۔
لوک سبھا میں 2021-22 کے بجٹ پر بحث میں حصہ لیتے ہوئے، راہل گاندھی نے کہا کہ سب جانتے ہیں کہ یہ چار افراد کون ہیں اور ان کے نام لینے کی ضرورت نہیں ہے۔
ان دونوں لوگوں کے ذریعہ کیے گئے فیصلے سے براہ راست فائدہ ان کے دو صنعت کار دوستوں کو ہوتا ہے اور یہی وجہ ہے کہ وہ تین زراعت مخالف قانون لے کر آئے ہیں۔
انہوں نے کہا کہ حکومت کو یہ سمجھنا چاہئے کہ کسان تحریک صرف کسانوں کی ہی نہیں ہے بلکہ یہ پورے ملک کی تحریک ہے۔
ملک کا ہر حصہ ان تین کسان مخالف زرعی قانون نافذ کرنے کے خلاف تحریک میں شامل ہے اور دہلی کی سرحدوں پر کاشتکاروں کی یہ تحریک کسی بھی وقت پورے ملک میں پھیل سکتی ہے۔ دہلی میں کسان تحریک چلاکر صرف ٹارچ دکھا رہے ہیں اور کسانوں کا یہ احتجاج صرف دہلی تک ہی محدود نہیں رینے والا بلکہ پورے ملک یہ تحریک پھیل سکتی ہے، لہذا حکومت کو کسانوں کے خلاف تینوں قوانین کو واپس لینا چاہئے۔
کانگریس رہنما نے کہا کہ حکومت کسانوں، چھوٹے تاجروں اور مزدوروں پر مسلسل حملہ کر رہی ہے۔ پہلے اس حکومت نے چھوٹے تاجروں کو نوٹ کی منسوخی کرکے مارا، پھر غلط جی ایس ٹی نافذ کرکے چھوٹے تاجروں کی کمر توڑ دی، کورونا کے وبا میں عام آدمی کا روزگار ختم ہوگیا، اس لئے کسان سڑکوں پر آگئے ہیں۔
انہوں نے کہا کہ حکومت جتنا بھی حملہ کرلے، کسانوں، غریبوں اور مزدوروں پر حملہ کرے لیکن ملک کے تحریک چلانے والے کسان واپس نہیں جانے والے ہیں کیونکہ ان کی ریڑھ ٹوٹ گئی ہے۔
یہ بھی پڑھیں: مضبوط بھارت کے لیے کسانوں اور مزدوروں کو بااختیار بنانا ضروری: راہل
