برازیل کی حکومت نے کورونا وائرس کے لیے چین سے تیار سائینوویک ویکسین کی لاکھوں خوراکیں تقسیم کرنے پر پابندی عائد کردی ہے کیونکہ ان ویکسین کی سپلائی ایک ایسی فیکٹری سے کی گئی تھی جو ریگولیٹر کی جانب سے منظور شدہ نہیں ہے۔
ہیلتھ ریگولیٹری ایجنسی انویسا نے ہفتے کے روز ایک بیان میں کہا 'انویسا نے اس ہفتے کے روز چین میں ایک پلانٹ میں پیک کردہ کورونا ویک ویکسین کے بیچ کی تقسیم پر روک لگادی جسے ایمرجنسی استعمال کی اجازت نہیں ملی تھی۔'
یہ پابندی کورونا ویک کی 1.21 کروڑ خوراکوں کے 25 بیچز کی ملک میں سپلائی کے بعد عائد کی گئی ہے۔ دریں اثنا، چین سے سائنوویک ویکسین کی کل 90 لاکھ خوراکوں پر مشتمل مزید 17 بیچ کو یہاں بھیجے جانے ( شپمنٹ) کے لیے تیار کیا جا رہا ہے۔
مزید پڑھیں:ایک چوتھائی ڈاکٹر ویکسین کی دوسری خوراک لینے کے بعد بھی کورونا سے متاثر
انویسا نے تین سے 17 برس کی عمر کے زمرے کے لئے مناسب افادیت اور حفاظتی اعداد و شمار کی کمی کے سبب اگست کے آخر میں اس عمر کے بچوں میں کورونا ویک شاٹس کے استعمال پر پابندی عائد کر دی تھی۔
یو این آئی
