بھارتیہ جنتا پارٹی (بی جے پی) نے بہار میں سابق مرکزی وزیر رام ولاس پاسوان کی موت سے خالی ہونے والی راجیہ سبھا کی سیٹ پر سابق نائب وزیراعلیٰ سشیل کمار مودی کو امیدوار نامزد کیا ہے۔
پارٹی کے جنرل سکریٹری ارون سنگھ نے آج رات یہاں ایک پریس ریلیز میں کہا کہ پارٹی کی مرکزی انتخابی کمیٹی نے سشیل مودی کو راجیہ سبھا کی خالی سیٹ کے ضمنی الیکشن میں امیدوار بنانے کا فیصلہ کیا ہے۔
حال ہی میں ہوئے بہار اسمبلی انتخابات میں قومی جمہوری اتحاد (این ڈی اے) کی جیت کے بعد نئی سرکار میں بی جے پی نے قیادت تبدیل کرتے ہوئے 15 سال سے نائب وزیراعلیٰ رہنے والے مسٹر مودی کو نہ بھیج کر انھیں مرکز میں لانے کا فیـصلہ کیا ہے۔ سمجھا جاتا ہے کہ وزیراعظم نریندر مودی کی کابینہ میں آئندہ توسیع میں مسٹر مودی کو جگہ ملے گی۔
