رکن پارلیمان ہیمامالنی کی کسانوں سے احتجاج ختم کرنے کی اپیل

ہیما مالنی نے ایک ویڈیو جاری کر کے کسانوں سے احتجاج ختم کرنے کی اپیل کی، انہوں نے ویڈیو کی شروعات جئے جوان جئے کسان سے کی اور کہا کہ جس طرح سے فوجی جوان ملک کی حفاظت کرتے ہیں، اسی طرح سے کسان ہمیں کھانا دیتے ہیں۔'

بی جے پی کی رکن پارلیمان ہیما مالینی نے گذشتہ 32 دن سے دھرنے پر بیٹھے کسانوں سے اپیل کی ہے کہ وہ زرعی بل کے خلاف اپنا احتجاج ختم کریں، ان کا کہنا تھا کہ 'وزیر اعظم مودی کسانوں کے سب سے بڑے خیر خواہ ہیں انہوں نے کہا کہ 'پچھلے چھ برسوں میں کسانوں کے لیے کئی ترقیاتی اسکیم چلائی گئی ہیں، مودی جی کسانوں کا کبھی حق تلفی نہیں ہونے دیں گے، انہوں نے کہا کہ 'میں کسانوں سے ہاتھ جوڑ کر اپیل کرتی ہوں کہ وہ حکومت سے مذاکرات کریں اور اپنا احتجاج ختم کریں۔'

ہیما مالینی نے ایک ویڈیو جاری کر کے کسانوں سے احتجاج ختم کرنے کی اپیل کی، انہوں نے اپنی ویڈیو کی شروعات جئے جوان جئے کسان سے کی اور کہا کہ جس طرح سے فوجی جوان ملک کی حفاظت کرتے ہیں، اسی طرح سے کسان ہمیں کھانا دیتے ہیں۔'

اپنے ویڈیو پیغام میں انہوں نے کہا کہ 'مرکزی حکومت کسانوں کی خیرخواہ ہے، ہمارے وزیر اعظم نریندر مودی جی کی قیادت میں گذشتہ 6 سالوں کے دوران ملک کے کسانوں کو خوشحالی کی جانب لے جانے کے لیے متعدد اقدامات کیے گئے ہیں۔ زرعی اصلاحات قانون کے ذریعے کسانوں کو بہتر آپشن دیے گئے ہیں۔'

انہوں نے کہا 'مرکزی حکومت نے جو زرعی اصلاحات قوانین لائے ہیں اس سے کسانوں کی آمدنی دو گنی ہو جائے گی، کسان کو اس کی فصل کی اچھی قیمت ملے گی، میں کسانوں سے اپیل کرتی ہوں کہ وہ اپنا دھرنا ختم کریں۔'

ہیما مالینی نے اس ویڈیو کو سوشل میڈیا پر جاری کیا ہے اور کہا ہے کہ نئے زرعی قوانین کسانوں کی قسمت بدل دے گا، کسانوں کی زندگی کو خوشحال بنائے گا، ان کا کہنا تھا کہ 'ملک بھر کے کسان نئے زرعی قوانین کی حمایت کر رہے ہیں، انہوں نے کہا 'مجھے بہت خوشی ہو رہی ہے کہ ہمارے علاقے 'برج' کے کسان بھی اس قوانین کی حمایت کر رہے ہیں، لیکن حزب اختلاف کے ذریعے زرعی قوانین کی مخالفت نا مناسب ہے، جو زراعت اور کسان مخالف ہے، کسانوں کے مفاد کا خیال رکھ کر سیاست نہیں کی جانی چاہیے۔'