ریاست بہار کے اقلیتی فلاح کے وزیر زماں خان کا پانچ اگست کو دلی کے ایک ہسپتال میں گلے کا آپریشن ہوگا. وزیر موصوف گلے میں تکلیف سے کافی دنوں سے پریشان تھے، ڈاکٹروں کے مشورے پر وہ آپریشن کرارہے ہیں. گزشتہ دنوں گیا دورہ پر پہنچے زماں خان نے بتایا تھا کہ گلے کی بیماری سے وہ بہار اسمبلی کے الیکشن کے دوران سے ہی متاثر تھے. جانچ کے بعد پتہ چلا تھا کہ گلے کی رگ دب گئی ہے جس سے ان کی آواز پر بھی اثر پڑا ہے. ان کی آواز گزشتہ ایک برس سے بری طرح سے متاثر ہے. یہاں تک کہ انہیں بولنے میں کافی پریشانی ہوتی ہے. ڈاکٹروں نے انہیں کم بولنے کا مشورہ دیا تھا تاہم سیاست میں ہونے اور وزیر کی حیثیت سے لوگوں سے ملنا جلنا کافی ہوتا ہے. ان کے مسائل سننے ہوتے ہیں اور اس کا جواب بھی دینا ہوتا ہے جس کی وجہ سے مجبوری میں زیادہ بولنا پڑتا ہے۔
یہ بھی پڑھیں:Tokyo Olympics: اولمپکس کا 13واں دن: ان کھلاڑیوں سے توقعات
Tokyo Olympics: ایتھلیٹ نیرج چوپڑا نے پہلی ہی کوشش میں فائنل میں کوالیفائی کرلیا
زمان خان آپریشن کے بعد قریب بیس دنوں تک دلی میں رہیں گے اور ڈاکٹروں کے مشورے کے بعد ہی وہ واپس لوٹیں گے. انہوں نے اپنے فیس بک آئی ڈی سے تمام لوگوں سے کامیاب آپریشن اور صحتیابی کے لیے دعا کرنے کی اپیل کی ہے. واضح ہوکہ زماں خان بی ایس پی کے ٹکٹ پر رکن اسمبلی بنے تھے اور قریب اس کے چھ ماہ بعد انہوں نے بہار کی حکمراں جماعت جے ڈی یو میں شامل ہوکر اقلیتی فلاح کے وزیر کا عہدہ سنبھالا تھا۔
