گزشتہ روز بھارتی سنگھ سے تقریباً 6 گھنٹے پوچھ گچھ کے بعد این سی بی نے گرفتار کیا گیا۔ اس کے بعد دیر رات ان کے شوہر ہرش کو بھی گرفتار کرلیا گیا۔
آج بھارتی سنگھ اور ہرش لمباچیا کو پہلے میڈیکل اور کورونا ٹیسٹ کے لئے لے جایا گیا صبح 11.30 بجے انہیں عدالت میں پیش کیا گیا، جہاں عدالت نے ان کی ضمانت کی عرضی کو منظور کر لیا ہے۔
بھارتی اور ہرش دو منشیات فروشوں کے ساتھ عدالت میں پیش ہوئے۔ این سی بی نے عدالت سے ہرش کا ریمانڈ طلب کیا تھا لیکن عدالت نے ریمانڈ نہ دیتے ہوئے دونوں کو عدالتی تحویل میں جیل بھیج دیا۔
بھارتی اور ہرش کو 4 دسمبر تک عدالتی تحویل میں بھیجا گیا تھا۔ بھارتی سنگھ کو کلیان جیل اور ہرش کو تلوجہ جیل میں رکھا گیا تھا۔ اس کے بعد بھارتی اور ہرش نے عدالت میں ضمانت کی درخواست دائر کی تھی اور آج سماعت کے دوران عدالت نے ان کی ضمانت منظور کرتے ہوئے انہیں راحت دے دی ہے۔
واضح رہے کہ گزشتہ روز این سی بی نے بھارتی سنگھ اور ہرش لمباچیا کے گھر پر چھاپہ مارا تھا جس میں این سی بی کو منشیات ملی تھی اور پوچھ گچھ کے بعد ان دونوں کو گرفتار کر کے 14 دنوں کی عدالتی تحویل میں بھیجا گیا تھا۔
