پولیس نے کہا کہ ضلع عثمان آباد سے تعلق رکھنے والے وینائیک وید پاٹھک نے خود کشی کرنے کی کوشش کی، اس شخص نے وجہ بتاتے ہوئے کہا کہ مقامی پولیس نے اس کا قرض سے متعلق مقدمہ درج نہیں کیا تھا۔
ایک افسر کے مطابق وینائیک وید پاٹھک نے اسمبلی کے سامنے آکر خود پر مٹی کا تیل چھڑک لیا، وہ اپنے آپ کو آگ لگانے والا ہی تھا کہ پولیس نے اسے پکڑ لیا۔
تفصیلات جاننے کے لیے اسے چیف سکریٹری کے دفتر لے جایا گیا۔
اطلاعات کے مطابق وید پاٹھک نے ایک ساہوکار سے کچھ رقم قرض لی تھی، ساہوکار اس سے قرض دی ہوئی رقم واپس مانگ رہاتھا اور بار بار پریشان کررہاتھا، وید پاٹھک پریشان ہوکر عثمان آباد کے مقامی پولیس اسٹیشن میں مقدمہ درج کرانے گئے لیکن ان کا مقدمہ درج نہیں کیا گیا جس کے سبب انہوں نے اسمبلی کے سامنے خودکشی کرنے کا فیصلہ کیا۔
