ٹیکنالوجی سے لیس فوج دشمن پر بھاری پڑے گی: جنرل راوت

فوجی سربراہ جنرل بپن راوت نے آج کہا کہ مورچوں پرجوانوں اور ہتھیاروں کی تعیناتی ضروری ہے لیکن فوجی ٹیکنالوجی میں مہارت والی فوج مستقبل کی لڑائیوں میں دشمن پر بھاری پڑے گی۔

جنرل راوت نے یہاں فوجی ٹیکنالوجی پر سیمینار سے خطاب کرتے ہوئے کہا کہ مورچوں پر جوان اور ہتھیاروں کی تعیناتی کی اہمیت رہے گا لیکن مستقبل کی لڑائیوں میں فوجی ٹیکنالوجی کا استعمال بڑھ رہا ہے اور اس سے دشمن پر سبقت حاصل کرنے میں ضروری مدد ملے گی۔ انہوں نے کہا کہ فوج ضروری ٹیکنالوجی اختیار کرنے کے رجحان اور انوویشن کی ثقافت کو فروغ دینے میں ہمیشہ آگے رہی ہے۔ مستقبل میں دوہرے استعمال والی ٹیکنالوجی پر بھی انہوں نے پورا زور دیا اور کہا کہ فوج کو صنعت کے تئیں کھلا رویہ اپنانا چاہیے۔
اس سیمینار نے فوج، تعلیمی شخصیات اور صنعت کو موجودہ اور نئی ٹیکنالوجی پر گہرائی سے غور و خوض کے لئے ایک اہم پلیٹ فارم فراہم کیا۔ اس موقع پر مختلف شعبوں کے چار افراد کو ان کے شعبے میں شاندار شراکت داری کے لئے سرفراز کیا گیا۔ سیمینار میں چنندہ اسٹارٹ اپ نے اپنے تحقیقی کام اور کامیابیوں کو پیش کیا اور مختلف میدانوں کے تھنک ٹینک نے بھی اپنے خیالات رکھے۔
حکومت کے اعلی سائنسی مشیر پروفیسر کے وجے راگھون، فوج کے نائب سربراہ لیفٹننٹٹ جنرل منوج مکند نراوے اور تینوں افواج کے کئی سینئر افسران نے بھی سیمینار میں حصہ لیا۔