ریاست بہار کے ضلع ویشالی کے حاجی پور میں شوہر کی موت سے دلبرادشتہ ہوکر بیوی نے خود کشی کرلی ۔
گذشتہ بدھ کے روز روپیش تیواری اور تارا کماری کے گھر میں قاتلوں نے گھس کر روپیش تیواری کا گولی مار کر قتل کردیا تھا، اسی کے غم میں تارا کماری نے بھی اپنی جان دے دی۔
واضح رہے کہ گذشتہ 6 ماہ قبل ہی روپیش اور تارا کی محبت میں شادی ہوئی تھی، یہ شادی تارا کے گھر والوں کی مرضی کے خلاف ہوئی تھی، تارا کے والد نے قاتل کے ساتھ اس کے گھر پہنچ کر روپیش کا قتل کروادیا۔
تارا نے جو پولیس کو بیان دیا اس کے مطابق اس کے والد اور دو افراد کے خلاف مقدمہ درج کیا گیا ہے۔
روپیش تیواری ضلع ویشالی کے ہی ریخر گاؤں کے رہنے والے تھے، جبکہ تارا کماری ضلع پٹنہ کے دانا پور کی رہنے والی تھیں، دونوں نے گھر والوں کی مرضی کے خلاف شادی کی تھی، اور اپنے گھروں کو چھوڑ کر کرائے کے مکان میں رہتے تھے۔
