ڈیلھوسی یونیورسٹی، کینیڈا کے مائیکرو بایولوجی اور امونولوجی (علم طب کا وہ شعبہ جو متعدی امراض کے حل کے لیے تحقیقات انجام دیتا ہے) کے پروفیسر ڈیوڈ کیلون کو اس وبا کی جانچ پڑتال میں مدد کے لیے انسٹی ٹیوٹ آف ہیلتھ ریسرچ سے ایک ملین ڈالر کی گرانٹ موصول ہوئی ہے۔
پروفیسر ڈیوڈ کیلون کو اس وائرس سے متاثر مریضوں کی جانچ پڑتال کے لیے متعین کیا گیا ہے۔
عالمی ادارہ صحت (ڈبلیو ایچ او) نے کہا ہے ایک ویکسین کے ایجاد اور اس کے ذریعے کامیاب علاج کے لیے 18 ماہ کی مدت لگے گی۔
اسرائیل کے محکمہ صحت نے طبی ذرائع کے حوالے سے اطلاع دی ہے کہ وزیر اعظم کے دفتر کے زیر نگرانی اسرائیل کے انسٹی ٹیوٹ برائے بایولوجیکل ریسرچ کے سائنسدانوں کو حال ہی میں وائرس کی حیاتیاتی میکانزم اور مضمرات کو سمجھنے میں ایک اہم پیش رفت ہوئی ہے۔
اس پیش رفت میں متعدی امراض کی بہتر تشخیص، دیکھ بھال اور احتیاط بھی شامل ہے۔
