حیدرآباد میں وٹرنری ڈاکٹر کی جنسی زیادتی اور زندہ جلادینے کے واقعہ کے بعد پورے ملک میں احتجاجی مظاہرے کا سلسلہ شروع ہوگیا تھا جس کے بعد گذشتہ دنوں پولیس نے اس کیس کے ملزمین کو سائبرآباد پولیس نے انکاؤنٹر کرکے ہلاک کردیا۔
27 نومبر کو اجتماعی جنسی زیادتی اور قتل کے بعد پیغامات کا سیلاب آنے کے بعد واٹس ایپ نے سائبر آباد پولیس کمشنریٹ کے ہیلپ لائن نمبر کو بلاک کر کے متبادل نمبر پر تبدیل کردیا ہے۔
سائبر آباد پولیس کمشنر وی سی۔ سجنجر نے اتوار کے روز ٹویٹ کیا کہ واٹس ایپ نے سائبر آباد پولیس کے واٹس ایپ نمبر 9490617444 کو بلاک کردیا ہے۔ "ہم اب شہریوں کی شکایات عارضی طور پر موصول کرنے کے لئے 7901114100 استعمال کررہے ہیں۔
سائبر آباد کمشنریٹ کی حدود شمس آباد میں چار نوجوانوں کے ذریعہ ایک لڑکی کے ساتھ ہونے والی زیادتی اور قتل کے بعد پولیس نے ہیلپ لاین نمبر جاری کیا تھا۔ سائبر آباد کمشنریٹ افسران نے ایک پیغام واٹس ایپ پر بھیج دیا ہے جس میں اس نمبر کو بحال کرنے کی درخواست کی گئی ہے.6 دسمبر کو شاد نگر شہر کے قریب چتانپلی میں ایک مبینہ 'انکاؤنٹر' میں پولیس کے ذریعہ چاروں ملزم ہلاک ہوگئے تھے۔
