ویسٹرن کمانڈ کی تقریب، بہادر سپاہیوں کو اعزاز سے نوازا گیا

مغربی کمانڈ نے آج بہادری، ڈیوٹی کے تئیں وفاداری اور قوم کے لئے شاندار خدمات پر اپنے بہادر سپاہیوں کو اعزاز سے نوازا۔

مغربی کمانڈ کی جانب سے منعقد ایک پراگرام میں بہادر سپاہیوں کو اعزاز سے نوازا گیا۔ یہ پروگرام مغربی کمانڈ کے ذریعہ پنجاب میں واقع گرج ڈویژن مامون ملٹری اسٹیشن کے راوی آڈیٹوریم ہال میں رائزنگ اسٹار کارپس کے زیراہتمام کیا گیا تھا۔

ویسٹرن کمانڈ بھارتی فوج کے سب سے بڑے کمانڈ میں سے ایک ہے جو جموں و کشمیر کے کچھ حصوں سمیت ہماری مغربی سرحدوں کے تحفظ کی ذمہ دار ہے۔

لیفٹیننٹ جنرل آر پی سنگھ، جنرل آفیسر کمانڈنگ چیف، ویسٹرن کمانڈ نے تقریب کی صدارت کی۔ 18 افسران، تین جونیئر افسران اور 19 بہادر جوانوں کو بہادری اور ممتاز سروس ایوارڈز سے نوازا گیا۔

ایوارڈ میں بہادری کے لئے 33 تمغے، ممتاز خدمت کے لئے 05 تمغے اور 06 وششیٹ سیوا میڈل شامل تھے۔ ویسٹرن آرمی کمانڈر نے عمدہ کارکردگی پر 18 یونٹوں کو بھی توصیفی اسناد دے کر اعزاز سے سرفراز کیا۔ بہادر سپاہیوں کی ہمتوں کی کہانیوں نے اس تقریب میں حب الوطنی کے جذبے کو اجاگر کیا۔

جنرل آفیسر کمانڈنگ ان چیف نے یونٹ کے توصیفی اسناد اور اعزاز حاصل کرنے والوں کی مبارک باد دی۔ ان کی شاندار خدمات اور ڈیوٹی کے لئے قابل تحسین لگن کے لئے تمام رینکوں کی تعریف کی۔

انہوں نے گذشتہ برسوں کے دوران فوجی سرگرمیوں کے تمام شعبوں میں نمایاں کارکردگی پر مغربی کمانڈ کے ہیڈ کوارٹرز اور یونٹوں کی تعریف کی اور اس اعتماد کا اظہار کیا کہ وہ ابھرتے ہوئے سیکیورٹی چیلنجوں سے نمٹنے کے لئے مکمل طور پر اہل ہیں۔

۔۔یواین آئی۔۔