ووٹر ہیلپ لائن موبائل ایپ کی مدد سے رائے دہندگان کو نا تو سرکاری دفاتر کے چکر کاٹنے کی ضرورت محسوس ہوتی ہے اور نا ہی بی ایل او کا انتظار کرنا پڑتا ہے لیکن سرور ڈاؤن ہونے کی وجہ سے یہ ایپ نہیں چل رہا ہے۔
ووٹر ہیلپ لائن موبائل ایپ سرور کو ڈاؤن کا سامنا
ریاست گجرات کے شہر احمدآباد میں عوام کو اس ایپ کی ٹریننگ دینے کے لیے کئی مراکز قائم کئے گئے ہیں اور اس کے لیے بیداری مہم بھی چلائی جا رہی ہے لیکن اس پورٹل کا سرور ڈاؤن ہونے کی وجہ سے کام ٹھپ پڑا ہوا ہے۔
گجرات کانگریس کے ترجمان بدرالدین شیخ نے حکومت سے مطالبہ کیا ہے کہ حکومت جلد از جلد سرور ڈاؤن کے مسئلے سے نجات دلائے اور آن لائن کے علاوہ بی ایل او کے ذریعے گھر گھر جاکر بھی الیکشن کمیشن فارم بھرنے کا اہتمام کرے۔
