نائب صدر جمہوریہ ایم وینکیا نائیڈو نے کہا کہ جنتا کرفیو پر عام آدمی سے لے کر خاص لوگوں کو بھی عمل کرنا چاہئے۔ انہوں نے سیاسی پارٹیوں سے کورونا وائرس کا سامنا کرنے میں تعاون کی اپیل کرتے ہوئے کہاکہ اس کے لیے متحد ہونا ضروری ہوگا۔
انہوں نے کہا کہ لوگوں کو اپنے گھروں میں رہنا چاہئے جس سے کورونا وائرس کے پھیلاؤ کو روکا جاسکتا ہے، یہ وائرس رابطے میں آنے سے پھیلتا ہے اس سے لوگوں کی سماجی دوری ضروری ہے۔
انہوں نے کہاکہ لوگوں کو جتنی اپنی اتنی ہی دوسروں کی پرواہ کرنی چاہئے۔
نائب صدر جمہوریہ نے سیاسی پارٹیوں، سماجی تنظیموں اور دیگر تنظیموں سے تعاون کی اپیل کرتے ہوئے کہاکہ ہر شخص کو ایک دوسرے کو مطلع اور بیدرا کرنا چاہئے۔
واضح رہے کہ چین کے صوبہ ہبوئی کے دارالحکومت ووہان سے پھیلنے والا جان لیوا کورونا وائرس کی زد میں اب تک دنیا کے 180 سے زائد ملک آ چکے ہیں۔
بھارت میں کورونا وائرس کے اب تک 258 کیس سامنے آ چکے ہیں۔ عالمی ادارہ صحت نے کورونا وائرس کے بڑھتے خطرے کے درمیان اسے عالمی وبا قرار دیا ہے۔
