وینکیا نائیڈو نے ہفتے کو ایک سلسلے وار ٹویٹ میں کہا کہ وہ سبھی نومنتخب اراکین کا استقبال کرتے ہیں اور امید کرتے ہیں کہ آنے والے برسوں میں ان کے تجربے سے قومی ترقی میں فائدہ ہوگا۔
انہوں نے کہا 'راجیہ سبھا کے دو سالہ انتخابات میں 20 ریاستوں سے منتخب 61 نو منتخب اراکین کا استقبال کرتا ہوں، راجیہ سبھا ہماری وفاقی سیاست کی علامت ہے جس میں تجربہ کار اراکین اور پہلی بار چنے گئے اراکین کا تال میل رہتا ہے، یہ ایوان مسلسل تبدیلی کا علمبردار ہے'۔
نائب صدر جمہوریہ نے مزید لکھا کہ 'آپ مختلف جماعتوں اور ریاستوں کی نمائندگی کرتے ہیں، آپ بھارت کی متنوع خوشحالی اور21 ویں صدی کے بھارت کی صدی بنانے کے واحد عزم کے اتحاد کی علامت ہیں، آئندہ چھ برسوں میں ملک کی تعمیر میں آپ کے اہم تعاون کی امید کرتا ہوں'۔
راجیہ سبھا کے چیئرمین نے کہا ،’’امید کرتا ہوں کہ آپ سبھی ملک کے مفاد میں اس موقع کا ہر ممکن استعمال کریں گے۔ملک کی تعمیر کی اس عظیم مہم میں آپ کی کوششوں کی کامیابی کی دعا کرتا ہوں۔ایوان کے رکن کے طورپر آپ سبھی سے ملنے کا موقع ملے گا۔اس کا انتظار رہے گا۔‘‘
