اترپردیش ٹرانسپورٹ منسٹر اشوک کٹاریہ نے صحافیوں سے گفتگو کرتے ہوئے قنوج میں بس اور ٹرک کی ٹکر کے دوران جو حادثہ پیش آیا ہم سبھی اس سے غمگین ہیں۔
ہماری کوشش ہے کہ مستقبل میں اس طرح کے حادثات درپیش نہ آئیں۔ یہ بات دیگر ہے کہ اس حادثے کے پیچھے ڈرائیور کی غلطی نہ ہو کر حادثے کی وجہ کوہرا بنا لیکن ہماری ذمہ داری بنتی ہے کہ ہم اس طرح کے حادثات کو بھی روکیں۔
اشوک کٹاریہ نے کہا کہ ہمارے سبھی اعلی افسران موقع پر پہنچیں۔ اس کے علاوہ اتر پردیش کے وزیراعلی نے ہم سب کو ہدایت دیا تھا کہ موقع پر سبھی ذمہ داران پہنچ کر جو بھی لوگ زخمی ہیں ان کا علاج یقینی بنایا جائے۔
یہی وجہ ہے کہ جتنا بڑا حادثہ ہوا ہے، اس کے مقابل مرنے والوں کی تعداد کم ہے کیونکہ ہم نے سبھی زخمی مسافروں کا وقت رہتے علاج کرایا۔ اسی وجہ سے یہ تعداد زیادہ بڑھی نہیں۔
واضح ہو کہ کانپور سے منسلک ضلع قنوج کے چھبرا موں میں ایک سلیپر کلاس بس کا ٹرک کے ساتھ ٹکر ہو گئی، جس کے نتیجے میں تقریبا 20 لوگوں کے ہلاک ہونے کی اطلاع ہے۔
بس میں تقریبا 45 سے 60 سواریاں موجود تھی، جن میں سے 20 لوگوں کے موت ہوئی جبکہ درجنوں زخمی ہیں۔
زخمیوں کا علاج کانپور قنوج کے ضلع ہسپتال میں ہو رہا ہے۔ حکومت کی جانب سے جو مسافر زخمی ہیں ان کو پچاس ہزار روپے اور ہلاک ہونے والوں کو دو لاکھ روپے دیا جائے گا۔
