مشین خراب ہونے پر ایس پی - بی ایس پی اور آر ایل ڈی اتحاد کے امیدوار حاجی یعقوب قریشی نے سخت نکتہ چینی کی ۔
انہوں نے کہا ہے کہ بیشتر پولنگ مراکز پر جو ای وی ایم مشینیں خراب ہوئیں ہیں اس میں زیادہ تر بی ایس پی کے ووٹرز تھے۔
انہوں نے کہا کہ اس میں بی جے پی کی پوری طریقے سے سازش نظر آ رہی ہے۔ بی جے پی نے ہی ای وی ایم مشینوں کو خراب کروایا ہے۔ ضلع انتظامیہ سے کئی بار شکایت بھی کی گئی لیکن مشین بدلنے میں کافی وقت لگایا گیا ۔
انہوں نے ضلع انتظامیہ پر بھی سوال اٹھاتے ہوئے کہا کہ 2017 کے اسمبلی انتخابات میں بھی ای وی ایم مشین خراب ہوئی تھی اس کے باوجود 2019 میں خراب ہونے کا کوئی مطلب نہیں بنتا ہے لیکن پھر بھی درجنوں پولنگ مراکز پر ایم مشین کاخراب ہونا اپنے آپ میں ایک بڑا سوال ہے۔
میرٹھ کے علاقائی مسائل پر انہوں نے کہا کہ اگر اتحاد کو اکثریت ملتی ہے تو سبھی مذاہب فرقہ ذات کے لوگوں کی ترقی پر خصوصی خیال رکھا جائے گا۔
میرٹھ میں تجارتی کاروبار کے فروغ پر خصوصی توجہ دی جائے گی۔
