ہرش وردھن نے ای بلڈ سروس‘ کا افتتاح کیا

ملک میں کورونا وائرس کے بڑھتے کیسز تشویش کا باعث بن گیا ہے، ملک میں کورونا کے کیسز کی کل تعداد میں تقریبا قریب پہنچ گیا ہے، جبکہ 15 ہزار کے قریب ہلاکتیں ہو چکی ہیں۔

اب اس وبا سے جاری جنگ کو مزید مضبوطی دینے کے لیے مرکزی وزیر صحت اور خاندانی بہبود ڈاکٹر ہرش وردھن نے جمعرات کو ’ای بلڈ سروس‘ ایپ کا افتتاح کیا۔

ڈاکٹر ہرش وردھن نے ایپ کے افتتاح کے موقع پر بتایا کہ بھارتی ریڈ کراس نے ضرورت مندوں تک خون کی سپلائی کو آسان بنانے کےلئے یہ ایپ بنایا ہے، شروعاتی دور میں اس کی سروس دہلی میں نافذ کی جارہی ہے۔

انہوں نے بتایا کہ ضرورت کے وقت مریضوں کے گھروالے خون کےلئے ایک جگہ سے دوسری جگہ پریشان ہوکر دوڑتے ہیں۔اس ایپ سے یہ پریشانی ختم ہوگی۔