اتوار کے روز پولس تحقیقات کے دوران مجرموں تک پہنچ گئی اور معاملہ کا انکشاف صرف ایک ہفتہ کے اندرکرنے میں کامیابی حاصل کی۔ اس کا انکشاف کرتے ہوئے ایس پی دلنواز احمد نے بتایا کہ اس معاملے میں پولیس کی تحقیقات سے یہ بات سامنے آئی ہے کہ مقتول انیل پرجاپتی تھا جو کرگہر تھانہ روہتاس کا رہائشی تھا۔
واضح رہے کہ 13 جون کو سونہن تھانہ کی پولس نے نہر سے ایک بوری میں ایک نوجوان کی لاش برامد کی تھی جسکی تحقیقات جاری تھی۔
یہ شخص بھبھوا میں گاڑی چلاتاتھا پھر اس نے شراب کا کاروبار شروع کیا۔ اس کی دوستی وکی نام کےایک شخص سے ہوگئی۔ وہ اترپردیش سے شراب لایا کرتا تھا اور سپلائی کرتا تھا۔ ایک بار شراب لانے کے لئے 13 ہزار روپے لیے لیکن شراب نہیں لایا، دونوں میں اس بات کو لیکر اختلاف تھا۔ جس کے بعد انیل نے دھمکی دی کہ وہ شراب کے کاروبار کو پولیس کو بتائے گا۔
پولیس کے خوف سے وکی نے اسے گھر بلایا اور اسے اپنے بھائی کے ساتھ مل کر اس کے تہہ خانے میں چھڑی اور لاٹھی سے مار ڈالا اور لاش کو ایک بوری میں بند کر کے سونہن تھانے کی نہر میں پھینک دیا۔ اس کا اے ٹی ایم کارڈ اور ڈرائیونگ لائسنس زمین میں دبا دیا گیا۔
موٹرسائیکل کو لاوارث حالت میں چھوڑ دیا گیا۔پولیس نے قتل کے الزام میں دونوں بھائیوں کو گرفتار کرکے جیل بھیج دیا۔ ایس پی نے بتایا کہ ملزم نے خود اعتراف کیا ہے کہ شراب کے پیسوں پر اس کے دونوں بھائیوں نے انیل کا قتل کیا۔
