ریاست بہار کے ضلع کیمور میں قتل معاملہ میں ملے سراغ کی بنیاد پر پولیس نے چھاپہ مار کر دو ملزمین کو گرفتار کرنے میں کامیابی حاصل کی ہے۔ ساتھ ہی قتل میں استعما ل کئے گئے دھاردار اسلحہ بھی برآمد کرنے کا دعویٰ کیا ہے۔
گرفتار قاتل پر سات برس قبل ہلاک ہونے والے بنسی چندرونشی کے چھوٹے بیٹا کا بھی اغوا کرنے کا الزام ہے۔ اس بات کا انکشاف کرتے ہوئے کیمور کے ایس پی دلنواز احمد نے بتایا کہ 'پرانی دشمنی کے سبب کھیت میں سوئے ہوئے باپ بیٹے کو رات کے وقت گلا دبا کر قتل کردیا گیا تھا۔ جس میں پانچ افراد کو ملزم نامزد کیا گیا تھا'۔
پولیس نے چھاپہ مارا اور تفتیش کے دوران دو ملزمان سدرشن بند اور انگد بند کو گرفتار کرلیا۔ دونوں تراٶں گاؤں کے رہائشی ہیں۔
ان کے قبضے سے وانپ ہنسوا بھی برآمد کیا گیا ہے۔ ایس پی نے بتایا کہ گرفتار مجرم سودرشن بند کے خلاف متعدد فوجداری مقدمات درج ہیں۔ یہاں تک کہ 10 برس قبل سدرشن بند نے اپنے کزن کو قتل کیا تھا، جس میں وہ جیل بھی گیا تھا۔
سات سال پہلے مقتول کے بیٹے کو بھی سدرشن بند نے اغوا کیا تھا اور تاوان کا مطالبہ کیا تھا، لیکن معاشرتی دباؤ کے بعد اسے چھوڑ دیا تھا۔
انھوں نے بتایا کہ یہ لوگ گاٶں کے دبنگ تھے۔ دونوں کو گرفتار کرکے جیل بھیجا جارہا ہے۔
