ڈاؤن ڈیٹیکٹر کے مطابق بھارت کے ہزاروں صارفین نے ٹوئٹر کا ہوم پیج نہ کُھلنے کی شکایت کی۔ تقریباً رات 8 بجے سے سماجی رابطہ کی ویب سائٹ تکنیکی وجوہات کی بنا پر مسدود ہوگئی۔
اس دوران صارفین نہ لاگ اِن کرپا رہے تھے، نہ ہی ٹوئٹر کے پیغامات کو موصول کر پا رہے تھے اور نہ ہی ٹوئٹر سے کسی طرح کے میسیجز بھیج پا رہے تھے۔ ہوم پیج پوری طرح مسدود رہا۔
آئی فون، اینڈرائیڈ اور وِنڈوز ورژن میں بھی یہی تکنیکی خرابی دیکھی گئی۔ بعدازاں ٹوئٹر کو بحال کردیا گیا۔ ایک گھنٹے سے زیادہ وقت کے لیے مسدود رہنے کے بعد ٹوئٹر کا ہوم پیج دوبارہ بحال ہوگیا اور صارفین، پیامات بھیجنے اور موصول کرنے لگے۔
اطلاعات کے مطابق ٹوئٹر کی خدمات بھارت کے علاوہ ملائشیا، انڈونیشیا اور دیگر ممالک میں بھی مسدود ہوگئی تھیں۔
