کانپور کے راگھویندر سوروپ آڈیٹوریم میں جماعت اسلامی کی طرف سے منقعد عید ملن پروگرام میں سماج کے مختلف طبقوں نے شرکت کی۔
اس عید ملن تقریب میں کئی طبقے کے لوگوں نے خطاب کیا اور خطاب کے دوران تقریبا تمام مقررین بین المذاہب بھائی چارگی اور امن آمان پر زور دیا۔
تین طلاق بل حکومت کا سیاسی ایجنڈہ: جماعت اسلامی ہند
اس تقریب کے موقعے پر جماعت اسلامی ہند کے نائب صدر انجینئر محمد سلیم میڈیا سے بات چیت کے دوران کہا کہ تین طلاق بل حکومت کا سیاسی ایجنڈہ ہے۔
انجینئر محمد سلیم نے کہا کہ مرکزی حکومت اصلی مسئلوں سے دھیان ہٹاکر تین طلاق پر سیاست کر رہی ہے۔ انہوں نے کہا کہ تین طلاق ایک سماجی مسئلہ ہے، اس میں اسی وقت سدھار ہو گا، جب سماج چاہے گا۔
اس عید ملن تقریب کو بین المذاہب امن و بھائی چارگی کے فروغ کے طور پر دیکھا گیا، جہاں مختلف مذاہب کے لوگوں کو آپس میں ملتے اور محبت کا پیغام عام کرتے ہوئے دیکھا گیا۔
