بھارت میں کورونا متاثرین کی تعداد 53 ہزار کے قریب

کورونا وائرس نے دنیا بھر میں قہر برپا کر رکھا ہے اور اس مہلک وبا سے بھارت بھی بری طرح سے متاثر ہے، یہاں اس بیماری سے اب تک 1783 افراد جان گنواچکے ہیں۔

مرکزی وزارت صحت کی جانب سے آج صبح جاری کردہ اعداد و شمار کے مطابق ملک بھر میں کورونا وائرس سے متاثر مریضوں کی تعداد 52،952 تک پہنچ گئی ہے۔

گزشتہ 24 گھنٹوں کے دوران ملک بھر میں کورونا وائرس کے 3،561 نئے معاملے سامنے آئے ہیں۔

اس وبأ سے متاثر ہونے والے تقریباً 15،266 مریض صحتیاب ہوئے ہیں جبکہ اب تک 1783 افراد ہلاک ہوئے ہیں۔

ریاست مہاراشٹر اس وبأ سے سب سے زیادہ متاثر ہوا ہے جہاں متاثرین کی تعداد 16،758 ہے اور صحتیاب ہونے والوں کی تعداد 3،094 ہے جبکہ اب تک 651 مریض اس وبأ سے ہلاک ہوئے ہیں۔