کرناٹک میں بی ایس یدی یورپا کی قیادت میں حکومت کی کابینہ میں منگل کو توسیع ہوگی جس میں کم ازکم 16 نئے چہرے شامل ہوں سکتے ہیں۔
یدی یورپا نے کابینہ کی توسیع کے بارے میں بتایا کہ کابینہ میں توسیع منگل کی صبح 10:30 بجے سے 11:30 کے درمیان راج بھون میں کی جائے گی۔
اس سلسلے میں وزیر اعلی نے گورنر کو خط لکھنے کے ساتھ چیف سکریٹری سے سبھی تیاریاں مکمل کرنے کا حکم جاری کیا ہے۔
انہوں نے مزید کہا کہ کابینہ کی توسیع کے فوراً بعد نئے وزراء کو حلف دلایا جائے گا۔ قابل ذکر ہے کہ وزارت داخلہ فی الحال وزیر اعلی یدی یورپا کے پاس ہے۔
ریاست میں شدید سیلاب اور بارش کے حالات سے نمٹنے کے بعد اب مرکزی وزیر داخلہ امت شاہ نے انھیں کابینہ کی توسیع کرنے کی اجازت دے دی ہے۔
ذرائع کے مطابق حلف برداری کی تقریب منگل کو کابینہ کی توسیع کے بعد ہو گی۔
فی الحال یدی یورپا نے کابینہ میں نئے وزراء کی تعداد کے سلسلے میں کوئی اطلاع نہیں دی ہے۔
