نیشنلسٹ کانگریس پارٹی کے ترجمان اور رکن اسمبلی نواب ملک نے کہا کہ 'قانونی عمل مکمل کر کے چوراہے پر ملزمین کو پھانسی دی جاتی تو ملزمین کے دل میں ڈر پیدا ہوتا ہے۔'
آج صبح حیدرآباد پولیس نے ویٹرینری ڈاکٹر کے ریپ اور قتل کے الزام میں گرفتار چار ملزمین کو انکاؤنٹر میں ہلاک کر دیا۔ یہ ملزمین عدالتی حراست میں تھے۔
نواب ملک نے اس واقعے پر اپنا رد عمل ظاہر کرتے ہوئے کہا کہ 'حیدرآباد میں جو واقعہ پیش آیاتھا۔ اس کے ملزمین کا آج انکاؤنٹر کیا گیا۔ انصاف دینے کا یہ طریقہ نہیں ہے اور اس طرح انصاف دینا ٹھیک نہیں ہے۔'
