صدرجمہوریہ رام ناتھ كووند نے جمعہ کے روز امید ظاہر کی کہ بھارتی سماج میں ’شیئرنگ اور كیئرنگ‘ (سکھ اور دکھ میں ساتھ رہنے اور ایک دوسرے کا خیال رکھنے) کی طاقتوں اور حکومت کی طرف سے کی جا رہی مضبوط کوششوں سے کورونا وائرس (كووڈ -19) کے بڑھتے ہوئے قہر سے ملک کو جلد آزادی مل سکے گی۔
كووند نے کہا کہ حکومت کی جانب کی جارہی کوششوں اور’شیئرنگ اینڈ کیئرنگ‘ کے رجحانات کی وجہ سے کورونا سے سب سے زیادہ متاثر ہونے والے معاشرے کے طبقات، خاص طور پر غیر منظم سیکٹر کے کارکنوں اور مہاجرین کو جلد ابھارا جا سکتا ہے۔
صدر نے کورونا وائرس کے چیلنجز سے ابھرنے میں مرکزی حکومت اور ریاستی حکومتوں کی طرف سے کی جا رہی کوششوں کو اس کے حتمی مقصد تک پہنچانے کے لئے راستے ڈھونڈنے کے تعلق سے مختلف ریاستوں کے گورنرز اور مرکز کے زیر انتظام علاقوں کے لیفٹیننٹ گورنرز اور منتظمین سے ویڈیو کانفرنسنگ کے ذریعے تبادلہ خیال کیا۔
صدر نے بحث کا آغاز بھارتی سماج کی یکجہتی کی طاقت کے ذکر کے ساتھ اور گورنرز، لیفٹیننٹ گورنرز اور منتظمین سے اپیل کی کہ وہ اس بحران سے جلد از جلد ابھرنے کے لئے انڈین ریڈ کراس سوسائٹی اور رضاکار اور مذہبی تنظیموں کے کارکنوں کی حوصلہ افزائی کریں۔
